إفتي يا مفتي يا صاحب الدار
نزرع قته ولا خيار
إفتي وقول كده علي راحتك
مانت مشهود لصراحتك
إفتي وعلشان مصلحتك
خلي الدنيا تشعلل نار
وانت يا شيخنا مودينا فين
كنت زمان علي الراس والعين
الكرسي بقي طعمه جميل
وعلشانه لسانك بيميل
حرمت وحللت الفايده
واللي يتكلم 80 جلده
يا جماعه كفايانا فتاوي
تهنا ما بين الشيخ والحاوي
ربنا عالم جوه قلوبنا
واحنا عباده رغم عيوبنا
مش عايزينها تولع نار
ولا ناكل قته ولا خيار